Samma scho am End?


Aus den Archivn von da a.c.a, 05.06.97 - 09.06.97

MaltschiTant:
  Ja wos isn do los? Samma mida Njuusgrup scho am End?

  I kum ma so valosn vua: 

  Voa lauda Komeaschals hot des Komitee das sinkende Schiff (?)
  abandonniert !?

  Und wo rennd' hiaz da Schmeeh, frogt

  die liebe Maltschi Tant'
           $ $  $ $ $     (Mathilde)


Tiaftaucha:
  >Ja wos isn do los? Samma mida Njuusgrup scho am End?

  Na des hoff i jo doo ned!

  >I kum ma so valosn vua: 
  >Voa lauda Komeaschals hot des Komitée das sinkende Schiff (?)
  >abandonniert !?

  I glaub doss olle no do mitlesn, owa weu momentan so vue Schbemm
  drinn is und olle (vua die Ferien) no uandlich im Schdress san
  sands afoch zu feu wos zum poustn (des bin i aa).

  Howi rechd?


josef weisgram:
  > Howi rechd?

  hundatbrotsentig, owa woats nua, da juli kummt bestimmt...


Johannes Karanitsch:
  >Howi rechd?
  Jojo, do kaun i da 100% beipflichtn.
  Owa bei da Biitschpartie wiad da Schmee scho wida renna.
  Kummst a hin Maltschi Tant?


Bernd Wender:
  Maltschi, mia san ee do! Owa a wengl ruiga iss wuan. Ma muas
  hoit genau schaun, das ma de wiaklichn Artikln ned uewasicht
  in dem Schbemmamist. Oiso, Maltschi, wia waas? Trog wos bei
  und dazoe uns wos vo Dia.


Bernhard Kauntz:
  >Ja wos isn do los? Samma mida Njuusgrup scho am End?
  >I kum ma so valosn vua: 

  Jo, seawas Maltschi. De tant daspoar i ma, weu i bin soewa scho a
  Onkl.

  >Voa lauda Komeaschals hot des Komitee das sinkende Schiff (?)
  >abandonniert !?

  Na, i ded sogn eha voa so an Deppn, dea de Gruppn ruiniat hot.
  Es is jo ewich schod, das so Leid ned sofuat ausseghaut wean,
  sondan dass da erst vawoant wean, usw - und inzwischn no fest
  weidabledln diafn, und a Grupn gaunz zaumhaun.
  Inzwischn haums eam woi odraht, owa des is spaet gnua.

  A Witz is aussadem, dass von 5 Unisoewa, de er fia de
  Naumensvafoeschung fia de Mailbombm braucht hot, nua ana reagiat hot,
  wia is grogt hob, wieso sa se aun Mailbombm zuabereitn beteulign.

  Najo, Maltschi, so is es Lem, wos soi ma mochn?
  Auf jedn Foi haumma a schens Weda heit, so jetzt pfeif i auf Compjuta
  und Njusgrups und geh radlfoan.


Schnitzlvatuega:
  >Ja wos isn do los? Samma mida Njuusgrup scho am End?

  In letzta Zeid woan ma schwoch, do host recht.

  Owa, Maltschitant, warum dazoest Du ned wos? A Meta-Diskussion,
  warum do so wenig Beitreg san, ist zwoa a gaunz intaressant,
  owa a echte Diskussion is do leiwaunda.

  >I kum ma so valosn vua: 
  >Voa lauda Komeaschals hot des Komitée das sinkende Schiff (?)
  >abandonniert !?

  Owa naa, san eh vuele do, wia ma siacht. Owa de Zeid ...

  >Und wo rennd' hiaz da Schmeeh, frogt

  Guade Fog. Vua lauta Kempfn gegnan Sii Eii Eeh gehd an hoid
  maunchmoi da Schmeh aus.


Michael Pichler:
  Da Schmäh diafat in Urlaub gangen sein.
  I hob a ka Zeit fia des owelodn normalerweis...und no vue weniger
  zum Postn.
  Oba eansthoft: im Moment is hoit goa fiachtalich schiach do.
  Ollaweu de Reklam fia irgendwos, kaumma des ned obestoehn?
  So a Pickerl auf de Njusgrup haun wiasas fias Postkastl gibt
  und de spems kumman ned eine?


Schnitzlvatuega:
  >Oba eansthoft: im Moment is hoit goa fiachtalich schiach do.
  >Ollaweu de Reklam fia irgendwos, kaumma des ned obestoehn?
  >So a Pickerl auf de Njusgrup haun wiasas fias Postkastl gibt
  >und de spems kumman ned eine?

  Naa, fia _de_ Njusgruppn gibz ka Pickal. In alt kaunst a
  Njusgruppn ned endan, weu des ned olle Soeawa midmochn.

  Es gibt a poa Meglichkeitn:
  - Mia bittn in Otmar Lendl, dass ea de a.c.a beim Spem-Killn mid
    iwawocht.
  - Mia tan soewa retromoderian (gaunz schlecht, IMO)
  - Mia gruendn a a.c.a.moderated (Wea mocht in Moderator?)
  - Mia iwasiedln noch at.*
  - Mia iwasiedln in de Big8.

  Oda mia lebn weida min Schpem.


josef weisgram:
  > Es gibt a poa Meglichkeitn:
  > - Mia bittn in Otmar Lendl, dass ea de a.c.a beim Spem-Killn mid
  >   iwawocht.

  des warat a meglichkeit

  > - Mia tan soewa retromoderian (gaunz schlecht, IMO)
  > - Mia gruendn a a.c.a.moderated (Wea mocht in Moderator?)
  > - Mia iwasiedln noch at.*
  > - Mia iwasiedln in de Big8.

  des gfoit ma ollas net wiaglich
 
  > Oda mia lebn weida min Schpem.
 
  des hoit i a aus...oft iss jo a a hetz mit de deppn.

  auf goa kan foi loss ma uns demoralisian!