HOW TO ATTRACT GIRLS INSTANTLY


Aus den Archivn von da a.c.a, 24.09.97 - 10.10.97

John Gruber:
> HOW TO ATTRACT GIRLS  INSTANTLY....Secrets to instant sex appeal

  ...des is scho wida amoi so a Si Ei ee Schmee wias im Buach schded.

  Pura Inschdinkd.. hmmm des schdinkt olreit. Zum Himmue.

  Und wenn dea Gatte ohne Schlatte,
  sich schmiat auf seine Moagenlatte,
  an Inschdinkt pua und heita...
  dau gehds weita...
                             ******
  Am Zaune rankt sich die Melone,
  a Feromon is a ned ohne....
     `                       ******

  Kaafds eich schnoe a Feromon,
  und schbreits as aufn Zugwagon,
  dau kennds bei olle Schdadsionen,
  den Audrong vau den Fraun...beiwohnen (ned schloffn)


  und des dengd eia Feadl. Scheens Wetta winsch i eich olle. Tschau. Wau.


Bernhard Kauntz:
  Oiso, ia kennts mi jo, ned? I moch des noamalaweise jo ned, dass
  i zu so Spemma mein Kren dazuagib, weu de meistn hau i sunst
  glei in Mistkiwoe. Owa der doda, dea hot mi scho midn Titl auf
  de Poime brocht.

  INSTANT SEX APPEAL<larry@sprynet.com> wrote:

  Easchtns is ma aufgfoin, dassa ned rechtschreim kau, weu "Spre"
  schreibt ma jo mid an a in da oidn Woedsproch. Des haet i eam jo
  vaziehn, weu ma kaun jo ned auf olle Ami baes sei, ned?

  I hommi owa gfrogt, warum a am Netz an Spre braucht? Des is ma owa
  daun eh kloa wuan. Owa jetzt kummt de Iwaschrift, de Beleidigung, de
  schiache. 

  >HOW TO ATTRACT GIRLS  INSTANTLY....Secrets to instant sex appeal

  DES traut a si in de a.c.a. zum postn? Ois ob mia des notwendig
  haettn, ois ob des fia an von uns ned a Soebstvastendlichkeit warat!
  Ois ob des ned bei an Oestareicha a aungeburana Eignschoft wa!

  >PURE INSTINCT PHEROMONE ATTRACTANT FOR MEN
  >WILL GIVE YOU AN UNFAIR ADVANTAGE WITH WOMEN
  > GUARANTEED

  Stoets eich fua, dea haet recht mit den Mittl - mia kenntatn uns jo
  iwahaupt nimma dawean, vua den Aundraung.

  >Everyone knows that some men (a tiny minority) are able to instantly
  >attract women. 

  Waunna des eh was, das mia de Minoritaet san, zu wos schickt a uns des
  daun?

  >It used to be known as "animal magnetism". 

  Owa wenigstns eakleat a des. Dea Magnetismus muass min Eisn
  zsaumhengn, des wos ma in Bluat haum. (Deswegn sogt ma a: der hot des
  in Bluat...) Woascheinlich samma sea bluatreiche Menschn, weu ma des
  dauand in Wiatshaus vadinna miassn - und do is da Magnetismus ebm 
  hecha. Wos soi ma mochn, gegn de Natua kaumma ned kempfm. 
  Bei mia persoenli howi eh a stigende Tendenz bemeakt, noch meine
  Heazoparation. Des kummt woascheinlich von den Stoidrot, mit dens mas
  Brustba zuagschnialt haum... A Massl, dass de in Spitoi recht ghobt
  haum, wias ma gsogt haum, i wea mi 10 Joa jinga fuen...

  >Scientists now say this
  >natural attraction is due to pheromones - body smells that are not
  >consciously detected, but that effect the behavior of others towards the
  >person giving off these chemical signals. 

  Na, und do brauchns Wissnschoftla dazua? Des is jo a oide Haum, dass
  ana dea si ned aunstendig woschn duat und dahea stinkt, easchtns des
  soewa ned bemeakt, zweitns owa de aundan scho - und eana "Behevia" is
  ebm danoch. 

  Oiso, ea hot uns ned nua beleidigt, sondan kummt no dazua mit an oidn
  Kas... Es gawat jo no vue zum sogn zu den Tema (neiche
  Rechtschreibung, wos? Owa in da Woedsproch haumma des scho laung so
  gschriem.), owa des steht jo ned dafua. 
  Nua no kuaz a Bestetigung aus ana Zeitung:

  >  * "And now this pheromone has been marketed, we've tested it - 
  >     and good grief it works"
  >    - Koave

  Mit aundan Wuatn haums gsegn, dass kan Zug mochn, wauns stinkn. Owa
  prowian haumsas miassn - und nochhea heun, des haumma scho gean!

  >       Please Mail to:

  >SMG Enterprises
  >1970 E. Osceola Pkwy
  >Suite 242
  >Kissimmee Fl.34743

  Und des is daun des Ende von soan, in Kissimi. (In Spiagl
  woascheinlich.)