I hob a Frogn Aus den Archivn von da a.c.a, 02.10.97 - 03.10.97 Michael Hackel: Seas gschedz Gommidee! I muass zu mana Schaung gschden, doss i a Frog ned hob guad baundwuadn hob kennan. Owa ia hoefz ma do sicha. Oiso zu Frogn. Wos is a Brachoida??? Bernd Wender: Den kaunnst glei haum, waunnst di so soetn riast in da a.c.a.! Wos is los, haums di so mid Hockn zuagschitt? Oda muast so vue Zeid in di kinesische Aungelegnheid inwestian, dass'd da a.c.a. so den Ruckn zuadraast? A Brachoida is jednfois sowos wia a Koech, dad i sogn. Oiso, hoffentlich auf boid bei ana Knechtung! Martin Schoepf: > A Brachoida is jednfois sowos wia a Koech, dad i sogn. aus do hüfftn gschossn, oba ned gauns richtig, da i sogn. Mei wödschbrochlegsikon von unsan oiseids vaeatn woifgaung teischl sogd "Ohrfeige, Faustschlag; Auswurf, Bronchialschleim". ohne teischl hob i den brachoida kenn ois an etwas sea steakaren freindschofdlichn Schlog mit da flochn brodsn in bugl, so gnopp untan gnakk. Des waa nemlich daun de sündese in obiga definidsion: noch an uandlichn brachoida host an zimlichn auswuaf. Oba waunsd wengan brachoida n köch haum wüsd, bitte sea ;-)) John Gruber: > A Brachoida is jednfois sowos wia a Koech, dad i sogn. ...hmmm. es kummd drauf o wia mas liisd. a brac...hoida, oda, a brach...oida, oda a bra...choida.... ned so aafoch dad i sogn! I deng ma es is a "bracher Oida", d.h. a Oida dea brach ligd. A Pensionisd wauns wuesd... :-( Feadl Michael Hackel: > Hoffe gedient zu hobn Auf olle Foe olle beide, hiazd wass i a des. Vuahea haedad i mia des ned eaklean kennan. Vuen Daung no amoi, i hoff mia sengan uns bei dea nextn Laundsknechdung. De soida owa oid sei, sonsda is glei des weihnochdsfesdl, und des muass scho a eigens fesdl sei. Oiso Gommidee-la, nexde Wochn am Midwoch oda aum Dunnasdoch oda am Freidoch. Ois Devisn gued: Bosdez damid es prosdez.