Are You Doing Business in Austria?


Aus den Archivn von da aca, 02.10.95 - 05.10.95

John Green <ice@mcs.com>:
  I am looking for someone who does business in Austria. It would be great if 
  you could share your experience with the readers of our business 
  publication in the US. I will be happy to provide you with more 
  information.

  Please contact me through my E-mail.
  Thank you.


Bernd Wender:
  > I am looking for someone who does business in Austria.

  Wosisndes? I kenn nua an Blues in Es. I schbue jo noamalaweis liawa in
  C, owa wauma mid Blesa schbued, iss bessa in B oda in Es. Du, des is a
  Hit, mia woin ee in Koalabealiblues vatonan. Wos schbuestn Du fira
  Instrument?

  > It would be great if you could share your experience with the
  > readers of our business publication in the US.

  Des muas a Musikzeidschrift sei. Und do gaeds nua um Blues in Es?

  > I will be happy to provide you with more information.

  We would be happy if you could stop winding us up with your stupid
  advertising stuff.

  Uije, do wean sa se wieda beschwean, oiso:

  Wie wud bi heppi if yu kud stop weinding as ap wis jor stjupid
  edweadeising staff.

  ... no imma ned guad.

  Schleich di ham mid den Glumpad, weu des intaresiat do kan, vasteest?

  ... vue bessa!


Josef Weisgram:
  >Wosisndes? I kenn nua an Blues in Es. I schbue jo noamalaweis liawa
  >in C, owa wauma mid Blesa schbued, iss bessa in B oda in Es. Du, des
  >is a Hit, mia woin ee in Koalabealiblues vatonan. Wos schbuestn Du
  >fira Instrument?

  IHMO IHMO

  >Schleich di ham mid den Glumpad, weu des intaresiat do kan, vasteest?
  >... vue bessa!

  host no amoi a glick ghobd, dassda gschwind wos eigfoin is auf
  woedsproch... amoi nu auslaendisch und dei palatschinknecaunt wiad
  gschbeat !


Christian Pree:
  Heasd, Josef, des kaunst ned mochn! Dea Oame vahungat uns do bei da
  voin Schissl, waun a kane Baladschinkn mea kriagt !


Christian Pree:
  >Wosisndes? I kenn nua an Blues in Es. I schbue jo noamalaweis liawa
  >in C, owa wauma mid Blesa schbued, iss bessa in B oda in Es. Du,
  >des is a Hit, mia woin ee in Koalabealiblues vatonan. Wos schbuestn
  >Du fira Instrument?

  Radio - guet des a ?

  >Uije, do wean sa se wieda beschwean, oiso:

  Owa naa, imma ned.

  >Wie wud bi heppi if yu kud stop weinding as ap wis jor stjupid edweadeising
  >staff.

  Wiad scho bessa, des vasteh i scho fost.

  >... no imma ned guad.

  >Schleich di ham mid den Glumpad, weu des intaresiat do kan, vasteest?

  >... vue bessa!

  Siechst, des is a Red !


[Und jetz wiads wirr, do haum si Njubies vairrt:]

A & E-M Schober-Stoger:
  @@@ I glkaub du hast kane manieren. Sowas kann man auch anders
  ausdrücken zudem du ja in die Uni gaungen bist, Also nimm di zaumund
  versuach a mol a anderes Vokabular zu finden


Bernd Wender:
  Heast, Du Nudlaug, in dera Gruppn wiad weanarisch gredt. Kaunst Du so
  guad weanarisch, dassd ma fuaweafn kaunst, das i kane Manian hob? Wie
  kumst Du uewahaupt auf de Idee, das Du de Schmee vasteest, die do
  rennan. Host Du kan Hamua? Kummst do eina und feust mi au. Des is ned
  die nette Oat, wasd des ee?

Christian Pree:
  >@@@ I glkaub du hast kane manieren. Sowas kann man auch anders
  >ausdrücken zudem du ja in die Uni gaungen bist, Also nimm di zaumund
  >versuach a mol a anderes Vokabular zu finden
  >Viel Glück

  Zeascht amoi a Froge: Sads es zwaa ? Weu wauns zwa seids, daun bitte
  untaschreibts a, wea des gschriebn hod.

  Zweitens soitast Du Di / Ia Eich amoi iwahaupt a bissl mid da
  Netiquette vatraut mochn, bevua Ia wen aundan aunstenkads. In dera
  Njusgruppn hod a Weabung afoch nix valuan und gheat gflamet.