Challenge Aus den Archivn von da a.c.a, 17.02.97 - 05.03.97 zzblade@worldonline.nl: Challenge We are looking for people who would like to cooperate with us to set a world-record. We want to build the biggest pyramid with boxes of foot-powder and get a nomination in the Guiness book of Records. This foot-powder is a very exclusive product. It's the last existing lot. Many soldiers in worldwar II used it. So this powder helped them to defeat Germany. Also we want to sponsor good causes such as : Greenpeace, Foster Parents etc. Therefor we are looking for students, managers, salesmen etc for advertising, good causes, sales and more. John Gruber: Du wasd wos no vue bessa war? eine neicha Woedrekoad in Fuasspudan. I hob beim Ginness gfrogd und de hauma gsogd, des war wos...amoi wos gscheids. Wea pudat d'Fiass lenga. Es hod amoi a italienischa Grof va ca. 60 Joa vasuachd an Rekoad aufzstoen, oba eam san nocha baade Knechl brochn. Kompliziata Bruch haums gsogd. Ea woa zu schdeif. Ka Flexibilided haum gsogd. Dia Medizina zua de Zeidn haum a no kane hochmodeana Schraufn und Plottn gho um dem Mau wida aufd Fiass z'vahoefn. Ea blib reglos und easchlaffd im Rennen lign. Und ea hods a nimma vasuachd woei ea (da Grof) hod si gfiachd dos am End no a peamanenda Krippl wiad. Oba jez kummsd du und mei Heaz schlog hecha... Heasd mochma a Diim. Di Fiasspudara wean di Woed eaoban. Nua mussd di Fiass guad woschn und desinfizian weoi sunsd kenndasd no di Puelzln ibadrogn und des war no schlimma wia Eeds. Dos kennd zua Woedkrise kumman. Schdoe da vua, di Pudara, di Fuasspudara schdeggn uns au. Dea Soeadschn Dscheneral vau die Vaeinichtn Schdoodn tat beschdimmd an Aungsdschrei auslossn und tat uns woanan vau hundate vau Milliona vau Puezdodn, woes zvue Fuasspudat haum.... Vaschdendlich. Di Sii Ei Ee hods eh scho auf uns ogseh. De dadn uns a Bradseidn gebn heasd, dos ma denkn mia haund zvue Fuasspudat... So los mi wissn wos da dengsd. John Gruber: Ibrigns, wia hosdn dei Email Adress griagd? Duads schdoddan? Sois hassn zzzzbleed oda zwa Blade? Bernd Wender: Na, di 'blade' is in Zorro sei Sawe. Waast ee, dea hod ho so gean a boa z's einegschnitzt in ois, wos eam untakumma is. John Gruber: Aajo frale, da beriamde "Kemosawe". Hob goaned gwussd dos dea a Zwitta woa! Oba i glab ea woa menlichn Gschleds.. nua hod da Zorro eam gsogd: "Kemosawe, pass auf, vo heid o biisd mei "Blade"... Vau dem Tog au hod ea sich daun in sea feminine Klamottn ghued und hod sich ois di Oide vaum Zorro eaglaeat... Es is a bissl a Mischgulanz, oba es isma gaunz gloa wia da Zorro drauf reagiead hod. Ea hod gsogd: des is guad Kemosawe, vau heid o bisd mein "Sawe", ok. Und moch ma kaane Umschdend weu sunsd schniz i da as Z hinta deine Uawaschl. It's your turn in the barrel.... Sgt. Blumenkraft: >Ibrigns, wia hosdn dei Email Adress griagd? Duads schdoddan? Sois >hassn zzzzbleed oda zwa Blade? Fileichd isa afoch zblaad, wos a Broblem sei kunnt, wauna seine Haxn ned weid gnua auffebringd beim autoerotischn Fuaspudan. John Gruber: Genau des Sadsch. Ea is zBlaad. Bam a/e FP muasd afoch flexibl sei sunsd gehd nix. Kriagsd Blosn auf di Zechn. I hob ghead dos bam s/m FP des gaunze mit hollendische Hoizschuach (Klompen wia di Hollenda se nennan) duach exeaziat wiad. Des is a Tschallendsch. Do muasd a gaunza scheena Masokist sei um des duachzhoidn. Sgt. Blumenkraft: I hob ghead das fias echde s/m FP a Zwiefoesenf auf de Hollendischn Bantoffoen draufghead. Owa noch Hoasde sein Rezept... *roet* John Gruber: Is dem Hoasde sei Rezept des mit de Jalapenos oda midn Cayenne Pfeffa oda des mid feinghockde Schalottn? Midn Cayenna muasd aufpassn dosda kan Varreiba griagsd. Vuelleicht a wengal Voeadschin Olivnoei dazuafuegn, sunsd gibds im Gauman Blosn und di Hoa faun da woascheinli a aus.. (..Und da s/m FP Praktika stroid ibas gaunze Gsichd und exhaliat: Ma, bin i heid wida schoaf...gwiazt man ii) O Graus. John Gruber: > Many soldiers in worldwar II used it. So this powder helped them to > defeat Germany. Jo du is sogdas, wau de des Fuasspuda zan Fuasspudan ned gho hedn, mia dadn heide unda da Fuchdl vau dia Preissischn Nazijunka sei. Oba Gottlob hods Fuasspuda zan Fuasspudan gho. Es woan wia feinsde schwedische Kuglloga zwueschd dia Zechnd. Schdoe da vua.. im oidn Esdareich haums gsogd: So schnoe schiassn di Preissn ned! (nocha haums oba no schnoella gschossn..) Und im zweidn Woedkriag haut di Mastarass gsogd: so schnoe kennad di Alliiatn ned laffn! (se san oba nocha no schnoella gloffn....) Daunk des Fuasspudas. So, in dem Sinn hosd du gaunz Rechd; des Fuasspuda hod zum Endsig beidrogn. De Nazi haum an Song gho, Bombn,Bombn auf Engeland...usw. und di Alliiatn mid Huefe vau da Holliwud Propagandamaschin hod nocha an Song aussabrochd, Puda,Puda fia dos Naziluda (grob uebasezd). Da Glenn Mill hod daun no die Melodie gschribn, klassisch, oba di deitsche Obwea hod eam nocha a Bombal ins Fluzeig glegd. Di Obawiss haum gsogd, es woa da Sii Ei Ee weu ea a Dopplschbion woa. A richdiga Mool mit ana Glarinettn. Di Russn woitn nochn Kriag, werend dem koidn Kriag, di geheiman Rezepte fia dos Puda haum. Es woa a Boegischa Schbion mid an esdareichischn Poss, dea Schlussendli dos Geheimnis weitagebn hod (fia a scheen Schtongan Goed). Dos hod di Woed vaendat! Weu nochan san plezlich di Russn a schnoella gloffn. Daunk des Pudas. Oba wias hoid so geed. Di oidn Naziwuessnschofdla dia de Russn zsaummagschnappd haum beim Zsommanbruch, dia haum innerhoib kiazasta Zeid a "Supafuasspuda" entwickld. Brauch da woi ned sogn wos dau los woa.... Da oide Eisnhauer hod Semf auf da Nosn ghobd und da oide Roosewoed (dea wo gsogd hod: "schreite saunfd, oba nimm an grossn Prigl mid") hod si im Grob umdraahd. Nojo, oba es hod zum Woedfridn beidrogn. Und fiad Wiadschofd woas a guad... Ma hod ja no a "Feindfigua" gho. Des gibds jo ois nimma. Oag. Schau amoi eine ins soc.culture.austria wos do dischgariad wiad ibas BH. Bundeshea. Ned Busnhoida. Es head neamma auf.Mei Tant sogd imma:" I glab di Leidl haums vue zguad. Brauchn wida an Kriag damit ma de Oabeidslosn wida zan oabeidn bringan..." Aussadem muass jo wida amoi a Kapiteu vanichdad wean, weu sunsd gibds vue z'vue Reiche, dia blasiat duachs Lebm laffn und ned wissn wo da Bartl den Mosd hoid. Di Middlglass wiad jo zua Seuch. Oba es schaud ned so aus ois obma a Ohuef griagatn. I glab mia miassn a wengal Supafuasspuda in Mittlan Osdn vakafn damids a Ekdschn gibd. Di Theogratn haum olle vue Goed weus Eadoe haum. Mia kennadn jo a guads Gschaefd mochn. Schliislich is ja unsa Fuasspuda aufn lezdn Staund dea Wissnschofd brochd wuan. Des kummd jo heid in vaschidene Flevoas. De kenndn sich jo gegnseitich pudan und mia Schlaubeaga mochnd di Marie, de ma nocha zua di Eidgenossn transferian, weu de miassn jo de Goeda de se jezd an de Judn aussaruggn miassn, iagendwia easezn. A scheniala Gedaunke vaum Feadl, muass i sogn. Mia kennads nia zuagebn dos des unsare rechtvoll eawoabene Marie is, und wauma ins Gross beissn (in feana Zuakunfd) wiad ois vau dia Tellgenossn einvaleibd. De soidn mi fausd zum Tscheamen of se Jea dea Bankieevaeinigung mochn. Wea hod de scho soiche Schmee auf Loga? In dem Sinn winsch i eich wos. Dere, Mathilde Czulius: > Jo du is sogdas, wau de des Fuasspuda zan Fuasspudan ned gho hedn,... > ... Wea hod de scho soiche Schmee auf Loga? Wahnsinn! Spitzenschmäh gut in Sprache verpackt (kann ich leider so nicht nachmachen)! John Gruber: Probias hoid amoi. Mia hoefn da scho dia Woedschbroch z'beheaschn.