Wos is a Eitriche mid Zwiefesemf?


Aus den Archivn von da aca: 01.07.95 - 07.08.95

[Und wieda faungz mid ana .sig aun]

Christian Pree (Schnitzlvatuega):
  A Eitrige mit Zwiefelsenf, und da Tog is gerettet.

Ruul (k.k. bierkanzleirot):
  in buckl vagiss ned...

Tschoo:
  Und a Huesn ...

Christian Pree (Schnitzlvatuega):
  Jetz hobts ma so an Gusta gmocht, doss i ma des heit am 
  Quellnplotz gebn hob miassn.
  Mei woar des guat!

Sgt. Blumenkraft:
  Heasd, Kri, mia san do im Komitee ee rechd locka wos des
  Buxschtabian bedrifd, owa >>Zwiefelsenf<< kau I ned duachgee
  lossn.
  Jo jo, uebenn. S'wiad scho wean.
  An Gusta hosd ma aa gmochd, weu do in Kembridsch gibz kan
  Zwiefoesemf

Christian Pree (Schnitzlvatuega):
  min Semf host rechd. Oba des OE im Zwiefoe, des is ma neich.
  Duad ma laad, oba a OE is des ned. Mia kennan hextns streidn,
  ob des L stumm is.
  Einig ma uns auf Zwiefesemf ? 

Christian Guertler (Bueffehvanichta):
  Heast, dass des kloa iss, des haast oiweu nu: Zwuefisemf
  Waun i oba ah goa ned genau waas, wos des is, woos sois,
  bei dera Hitz

Erich Zay:
  sads es narisch wuarn? es depatierts um des richtige buchstabiern.
  I wwa scho zfriedn waun i den gruch in an pakl kriagn kent.net 
  davau zsredn waun i de delekatessn inhaliern kentat. semen kriag
  i jo no -  oba a eitrige ,a huesn  vom Zwifesenf goanet zsreden .
  do kumst da vua wia in Winterthur.
  des soi ka beleidigung on de schweiza sei. do gibts nua wiener de
  eigentlich amputierte  frankfuata san weus zika 5 zantimeta
  ogschnittn hom. stoets eich fua 5 zantimeta do bleibt jo nix mea
  iba. jezt muas i a schtek aufs feia haun ,damit ma dea gusta vaget

Sgt. Blumenkraft:
  Mia kumd do grod a idee. Da Tschoo (da meen of sse yiea fieraneinzg)
  oawat jo in Seiwasdoaf, waummi ned ois deischt. Duat haums an grossn
  Doerrapparrat. Do kaust Sochn einelegn, und in an Dog sans drockn
  und um 80 Brozent leichda.
  Wia wad des, waun da Tscho zum Quoenbloz gangad, drei Eitriche mid
  an Zfiefoesenf, an Semmal (owa one Huesn) kauffad und se daun in den
  Apparat legt, und jeweus ane dem Skotti, dem Earich und mia schikad.
  Jezmoi waun uns da gruch ooged, hoidmas iwa an daumpfatn Kochdopf,
  so dasmas riachn kinan wos de Leid om Quoenbloz hawan. I glaub I dad
  auszukn.
  Nauwos: kaun ana a Buedl von dem Festmoi eiskennan und dem
  Bueffefanichda gem, damidmas daun ole om W6 segn kennan? A Eanmedeun
  from Sadsch schded aufm Schbue, und a neicha Ditl (wauns da Skotti
  ealaubd).

Erich Zay:
  uiiiiiiiiiiiii !!!!!!!!!!!!!!!
  des is aguade idee.Oba is dea drocknapparat a umwoetfreinfli?
  Net das ma daun zum leichtn aufaungan wia a leichtkefa. Woe ma scho
  beim fantasiern san. kentat i vileich a bia a haum. Oba bitschen ka
  Budweiser,des haum ma soeba und des hot no nia de tschechei gsegn,
  drum schmekts a wia eigschlofane fias. Zwanzg joa bin i scho auf
  dera mission um de woetsproch denen darewuln do beizbringa mit sea
  maesigen erfoig.aba aufgem wer i net solaun i hi und wida umefoa und
  meine battarien auflodn kau.

Bill Hauber:
  A rezept von da Eitrign wa a hauma, wei I hob do an hawara der
  is aus Glognitz und hod a Fleischarei. Der dedat ma de hasse
  mochn wenn I is Rezept auftreibn kau.

Christian Pree (Schnitzlvatuega):
  Da Bill Hauber hod vua a poa Wochn gfrogt, ob wea a
  Fleischhocka-Rezept fia Eitrige waas.
  Es hod a bissl dauat, owa jetz hob i des Rezept mein Fleischhocka
  aussagrissn.
  Dahea, fia olle Missionare, owa speziell fian Bill in Daun Anda, is
  Rezept:

  Material:
    15,50 kg  Rindfleisch II
     4,50 kg  Eis
    55,00 kg  Schweinefleisch mager, teilweise auch Rindfleisch I
    25,00 kg  Speck
  -------------
   100,00 kg
    30,00 kg Emmentaler

  Zutaten pro kg:
    4-5g Gewuerzzubereitung Polnische und Kaeswurst
    6 g Contrit zum Vorsalzen des Magerfleisches
    Nitritpoekelsalz

  Verarbeitung:
  - das magere Schweinefleisch am Tag vor der Erzeugung mit einer
  Mischung aus Nitritpoekelsalz und Contrit vorsalzen und ueber Nacht
  im Kuehlhaus abstellen.
  - aus Rindfleisch II und Eis unter Zugabe von Braetfix ein gut
  bindiges Braet kuttern
  - in dieses Braet das vorgesalzene Magerfleisch und den Speck unter
  zugabe des Gewuerzes bis zur Erbsengroesse einschneiden
  - gewuerfelten Emmentaler-Kaese mit der hand oder Mengmaschine
  untermischen, 2 - 3 Runden im Kutter laufen lassen, um nicht zu
  grosse Kaesestuecke zu haben (ca. 5 mm)
  - in Schweinesaitlinge fuellen
  - zu Paaren abdrehen
  - raeuchern und bruehen
  - in kaltem Wasser abkuehlen oder duschen

  So, und jetz no a poa Aunmeakungen:
  - des is a Grundrezept, jeder Fleischhocka mochts daun no a bissl
  aundas, owa des varrot er an ned.
  - Rueckfrogn san sinnlos, i hob des Rezept a ned vastaundn. (Wia
  "kuttat ma a guad bindigs Braet" ???)

  Jo, und wos mocht ma daun mid de Wiascht ?
  - Des afochste is in Soizwossa kochn.
  - Am bestn schmeckns ma owa vom Hoizkoingrue.

  Nua gaunz egal wia mas mocht, aufpassn, dass de Haud ned aufplotzt,
  weu sunst rinnd da Kaas aus !!!

  Des woas, Moizeit!