Wos haum Goalabealis und Angina miteinaunda ztuan?


Aus den Archivn von da aca: 23.10.95 - 03.11.95

S'Goalabeali:
  Hobz am Wochnend in Schdandaad gflada^H^H^H^H^H^Hglesn? Im
  schbezzioen de Sundogbeilogn auf da Seitn 7, untn?! Do gibz nemli
  wos iwa de Natuaschuzzaktiwiteetn vom Aboridschinie, mein Healli zan
  Lesn! Wosa asoo fia de Goalabealn und Uazeidgrepsl so ois tuat. I bi
  gaunz schdoizz auf mei liabs Healli!

Heidrun Kirchweger (Schrauvnziagarin):
  Wia i jetzt kronk woa und mid Angina im Bett glegn bin, how i ma's
  Kindabrogramm im Fernseha ongschaut, und do how i an so an liabn
  Goalabean gsegn, des woa a richtiga Schlunznbea. Dea is nemli in ana
  Ostgowelung so richtig gmiatlich eingroillt dogsessn, hot'n Schedl
  aufn Ost glegt ghobt und hot gschloffn.

Erich Eder (Aboridschinie):
  >... mid Angina im Bett ...
  heast, sowos Unaunschdendigs draust Di schreim? Wea isn de? Najo, i
  muas sogn, i hob jo nix gegn soichane... Sogoa a Ex vo mia is nocha
  lesbisch woan. Ma kau nua schdreitn, wieso: weu noch mia nix bessas
  kumman kau, oda weu i ia ein fia olle Moi de Maunda oogwend hob...
  ;-)  
  >... Ostgowelung ...
  Iwrigns is es woa: sie hom Ostgowelungen vue liawa wia
  Westgowelungen. Des muas am Sunnanaufgong liagn....
  Pfiat Di und aa a scheens Bussi fia de Angina!

Helwig Loeffelmann:
  >heast, sowos Unaunschdendigs draust Di schreim? Wea isn de? Najo, i
  >muas sogn, i hob jo nix gegn soichane... Sogoa a Ex vo mia is nocha
  >lesbisch woan.
                                  ^^^^^^^^^^^^^^^^^^^^^^^^^^^^^^^^^^^^
  >Ma kau nua schdreitn, wieso: weu noch mia nix bessas kumman kau,
                                   ^^^^^^^^^^^^^^^^^^^^^^^^^^^^^^^^
  ... ka bessra mo manst woi, oda?  ondascht hedat i scho a wengal a
  broblem di zam vaschde ...

Erich Eder (Aboridschinie):
  Heast Oida, des is jo fost da nexte Ah Kah Hah Hodnskandoi: ma passt
  a sekundn ned schoaf auf - und scho is ma a neutrum... Daunkschee
  fia de Woanung!

Heidrun Kirchweger (Schrauvnziagarin):
  >heast, sowos Unaunschdendigs draust Di schreim? Wea isn de?
  Na jo, i hob sie wieda aussigschmissn, sie is naemlich so trockn und
  krotzig, und vaschnupft woa sie a dauand... Und mein gonzn guatn Tee
  hot's ma weggsoffn, obwoi sie eh kan Gschmock hot.
  >Pfiat Di und aa a scheens Bussi fia de Angina!
  De treibt sie jetz mit wem ondan um, de is nemli gonz schee
  promiskui-wia-haasst-des-schnoe, und bi a noo dazua...
  Oiso sers, und pass auf, dass sie net Dia uewan Weg rennt!

Erich Eder (Aboridschinie):
  IHMO :-DDDDDDDD
  Heast, ma miassad des ollas schbeichan, des warad gnuag fia a
  gaunzes Buach zum Oopeckn...!