Esdareichisch is ka Schbroch Aus den Archivn von da aca, 06.01.97 - 10.01.97 John Gruber: Nochdem da Baia maand dosdes esdareichische ka Schbroch is sondan nua a Hoisgrongheid, mechd i des foigende saugn: die Baian maanan: "It"s nice to be a Preiss, but it's higher to be a Bayer.." Und mia Esdareicha sogn: "It's higher to be a Bayer, but it's scheana to be a Weana..." Ein Gedaunke vaum Feadl Gerald Jatzek: > "It's higher to be a Bayer, > but it's scheana to be a Weana..." Nua sogt kana in dera Schtot "scheana". Es haasst zwoa "scheangln" owa "schena" bzw. "scheena". Oiso aufpassn bein Reiman, sunst wiads so gfaut wia beim Danza oda goa (grusl grusl) bei da Weaga. Schnitzlvatuega: >Nua sogt kana in dera Schtot "scheana". Oiso fia den Reim sogi a "scheana", do kenn i nix! :-) >Es haasst zwoa "scheangln" owa >"schena" bzw. "scheena". Oiso aufpassn bein Reiman, sunst wiads >so gfaut wia beim Danza oda goa (grusl grusl) bei da Weaga. Ned geh Du a no auf de oame Weaga los! Da Mett Schuh hods auf da Schaufl (waunn eas dazaht), da Roscic spueds ned, und jetz du a no, do muass de Weaga jo paranoid wern. :-) k.u.k. Schraufingarin: >Ned geh Du a no auf de oame Weaga los! A pro Weaga und so, a Witz aus da Blegbogs: Wia haast des uneheliche Kind vom Krenn? . . . . . . . . . . . . . . . Jazz-Gitti. :-)))))) Bernd Wender: Und weusd soxt: Danza. Des is ungerecht. Ans vo meine Lieblingsliada is des. Oiso, Dscherri, jetzt redt da Schuali uns Du host Pause: Heit bin i wieda fett wie ein Radierer, Du brauxt di ned vaschdeckn, draudi fira! [...] vvvvvvvvv Du wiast mid jedm Viatal imma scheena, zwa Viatal no, und Du bisd Miss Vienna, i sauf mi deglich au, in ana Tua, des is dei ollabeste Schoenheitskua, hal-lo Des is a Reim! Zu hean auf da Danza-Leif-Doppe-Elpee vom 79ga Joa. Da Aboridschinie: >Ned geh Du a no auf de oame Weaga los! Vueleicht its neiss tu bi e Preiss, Und heia is tu bi e Baya Its scheana zwoa tu bi e Weana Bat eaga its tu bi e Weaga. [Dudler: Holisradlhupfingullijoguguholisradlhupfingullijogugu= holisradlhupfingullijoguguholisradlhoisdoduuu] Da Dscherri mog ned gean in Danza Do brotestiat da Beand ois ganza. Scho long is dod da oide Schubert Und jodln tuat da Goisan-Hubert. [Dudler: Holisradlhupfingulliusw...] Najo, anan Goalabeali-Bluus schliasstz ned aun kwalitatief, owa da Dudla kfoid magaunz guad. Gerald Jatzek: Mr Bean-d sogt: > Und weusd soxt: Danza. Des is ungerecht. Ans vo meine Lieblingsliada > is des. Oiso, Dscherri, jetzt redt da Schuali uns Du host Pause: Pause aus. I hon net nua de Reime bein Danza gmant (de san monchmoi a a Kreiz), wos vua oin fuachtboa is, des san de hochdeitsch- wienarischn Mischungan. Dei Beispu "fett wie ein Radierer" ist tupisch: "Fett wiara Radiara" warat gfrogt. Und "scheena / Miss Vienna" is a net grod des Woara, go. Owa i hob eh net so vu gegn den Danza, dea hot hoit meist an auf Vuazeigewiena fia de Preissn gmocht. I glaub, i bin nua ogfressn, wau wochnlong des "Wia woa Weinochtn"-Schmoiz aus mein Radio trapflt is und i hob oiwau den Bodn aufwischn miassn. Bernd Wender: > Und "scheena / Miss Vienna" is a net grod des Woara, Oiso den find i wiaklich guad, owa mei Favorit is dea: 'Du Soxt du host jetzt an Freind mid an Boasche, sog eam doch ea soi in Oasch gee und kumm wieda ham zu mia ...' > Owa i hob eh net so vu gegn den Danza, dea hot hoit meist an auf > Vuazeigewiena fia de Preissn gmocht. Des midn Danza is so a soch. I hob eam afoch nie meng, bis ma a Freind amoi xogt hod, dasa bei di Konzeatln ualeiwaund is. Dea hod ma daunn di 79ga-Leif aufgnumman. Seitdem mog i'n iagndwie, owa maunches is echt peinlich, do host scho rechd. Des Beste, wos i in letzta Zeid vo eam gheat hob, woa da Vuaschdod-kasanowa, obwoi dea scvho a hoate Bandasch is textmessig, owa sea guad, wauma ned rechd haglich beziglich ana eha oadinean Ausdrucksweisn is. > I glaub, i bin nua ogfressn, wau > wochnlong des "Wia woa Weinochtn"-Schmoiz aus mein Radio trapflt is und > i hob oiwau den Bodn aufwischn miassn. Des kenn i God sei Daung goa ned. Weihnochtn und Musik, des geed iagndwie ned zaumm. Waun i 'White Christmas' in an Supamoakt hea, bin i hochgradig amoklaufgfeatet. Gerald Jatzek: > Roscic spueds ned, und jetz du a no, do muass de > Weaga jo paranoid wern. :-) Leida. Vua zig Joa hots "Haimo Pockbergers Schnulzodrom" gebn. Des woa de gspassigste Sendung auf OE Brei. Gerald Jatzek: > owa da Dudla kfoid magaunz guad. Hochochtung, da Hea Aboridschinie, a echta Didscharidudla von Daunanda.