Da Komet!


Aus den Archivn von da a.c.a, 19.03.97 - 21.03.97

John Gruber:
  Heit am Obend umma ochte kumm i ham iban Higl auffa und i
  schau in Himml. Madre Mio! Da Komet. Genau iba meim Haus.
  Supa muass i sogn. Hobma mei Feanglassl aussaghoid und den
  Schwaaf genaua beobochded (ned den Kuaschwaaf vau da
  trojanischn Kua). Gewoitig. Trotz hella Nochd. I wea mea
  eam Muagn glei noamoi vagunnan weu nocha sig i eam jo fia
  anige Zeid nimma.
  Hobdsn aa scho gseh?


Da Aboidschinie:
  No ned, owa mia wean a Exglusieffiarung kriagn vom
  k&k Owaschdeandlschaua.

  Zum Komehtn:

  Is Eich eigndlich kloa, das des nua unsa guada oida Kaisa
  Franzl Peppi sein kau, dea wos, wia seinazeid beim Kriskindl
  da Komeht, da gaunzn Woed eascheint um de Abogalybse deara
  gaunzn oidn "Woedschbrochn" aunzkindign und in intanazionaln
  Siegeszug vo da neichn Woedschbroch sozusogn astral aunkindign
  tuat !?! Es hod jo aungehblich scho da guade oide Nosn-Daam
  (dea hod nemlich oiwei mitm Daam nosnbuat, deswegn sei
  Schbizznohm, dea wos daun foeschlichaweise ois Nostradamus
  latinisiat wuan is) vuaheaxockt: (schrexz Eich ned, es is ned
  wiaklich Latein, es woa natialich Weanarisch, deswegn aa de
  vuen Foela bei de Brofezeihungan, weu ses ois Lateinisch
  iwasetzt hom):

  "es viat amo i a comet cum man
   de avos aun cin dict de neice
   Voit S. P. roc vea narisc. und
   es viat se in da cuat de oide
   caesar Franc. Pep. des Eascde."

  Sea, sea vaschlisslt - es is kloa, das nua mia Woedschbrochla
  heit diese Broffezeihung richtig lesn kennan!!


John Gruber:
  > "es viat amo i a comet cum man
  >  de avos aun cin dict de neice
  >  Voit S. P. roc vea narisc. und
  >  es viat se in da cuat de oide
  >  caesar Franc. Pep. des Eascde."

  Dere Autochtona,

  Jo, i sogs, toteu profetisch. Und wisssds wos, sogoa in da Bibl,
  Offenborung:18:1 und 18:2 (Reveleschn) haasds:

  Nocha sig i an aundan Kometn, im Himmue,
  no gressa und scheena,
  und di Eadn easchrolde in seim Schein.
  Und im Schwaunz vaum Kometn schtond geschribm,
  "si is gfoin, di oide Woedschbroch is Gfoin!"
  di oide Woedschbroch is unsauba und
  a Heim fia Demonen und a Lauaploz fia
  olle unsauban Schbruech.

  Da Nostradamus, Nosnbora, hod jo seine Veasln vau da Bibl
  ogschbidz, neich vapokt und nocha zan Kauf obotn. Und di Leit
  haums gfressn und fressns imm no.

  I bi scho untawegs und schau ma den himmlischn Schbrueregn grod
  nochamoi o.