a neicha feiadog is augsogd! Aus den Archivn von da a.c.a, 12.11.97 - 25.11.97 Martin Schoepf: Sea vaeates Gomittee, laibe leidl ! Ois K.u.K. Geheima Sonderemisseer zua Einfüarung der Tapirs ois esdareichisches reschbegdive weanarisches Wopntia is es mia a bsundare freid, foigende hoibaumtlich Middeulung zu mochn: Gfreids eich! A neichs wopnvichal is uns geboan woadn! Am 21.sebtemba woas soweid: noch fiahundatteggiger schwaungaschofd is unsare liabe Grete zua wöd kumman. In da dswischnndseit is scho brav gwochsn und dad si sea iba eichan Besuch gfrein. Schnappts oiso eichare gschrappaln, foads noch schönbrunn und zagds eanan des wopntia (beim haupteingaung glei links nem de hiascheba). Da Feadl: Sauba! Graduliere. Wea woa di Hebamm? Mid dera Nosn muass des jo fia dia oame Muadda a Gfrett gwesn sein. Kau ma vuaschdoen dos des ned afoch is so an Zinkn zeasd aussezschdreckn damidsd a Lufd griagsd... IMHO, ma soid safuad di Wege einleidn firan Feiadog. Tapiadog -jedn 21. Septemba. Ein Grund zua Freide. Olle Nasos wean sich frein. Tog deal Koetischn Uazinkn und dea Tapiaoatign Rissl. Tog des Kumpfes. Wos imma. Schnitzlvatuega: Da Teamin passt wiakli guad, weu zwischn 15. August und 26. Oktoba is eh vue zlaung ka Feiadog, do kamat a Tapiadog grod recht. I glaub es is Zeid fia a Voixbegean. Martin Schoepf: brechtig, daun soit man glei in de offizielle lisdn von de a.c.a.-Feiadog aufnema. Ausadem soit ma dafia suagn, das ma des gaundse ois bewegliches fest auleian. Weu wos hob i vo an feiadog, waun a am wochnend is, wo jo da westbaunkuati de feiadog oschoffn wü... Schnitzlvatuega: Guad, waun beweglich, daun jedn drittn Diensdog im Septemba? Diensdog deswegn, weu de beweglichn Feiadog von da Kiachn san am Mondog oda Dunnasdog, und waun da Diensdog frei is, is da Mondog a Fenstadog und mid Glick a frei. Martin Schoepf: völlig dakor, und ausadem soit ma vielleichd den dog da beschlusfossung, jeden dritten diensdog im sebtemba zum anadswandsigsdn zmochn, a ois feiadog in bedrocht ziagn. Bernd Wender: > Weu wos hob i vo an feiadog, waun a am > wochnend is, wo jo da westbaunkuati de feiadog oschoffn wü... Schnorre, wieso hosd denn des scho wieda quusst? Host Du Bekaunnte Im Vati-kann? I ois needif Saungtboedna jednfois kau eich sogn, das da Hea Bischof so an Feiadog goa ned begruessn dadad. Sechz dazua a http://www.par.univie.ac.at/WWWender/w6/wbk.html Martin Schoepf: > Host Du Bekaunnte Im Vati-kann? waun i an drot in watikan hed, wa auf da aundan seitn sicha schbrenglodung. Es waa oba schod um de biblioteek. Schnitzlvatuega: Im Watikan is de gresste Poanosaummlung von da gaunzn Woed, und so a weatvolles Kuituagut wuest Du sprengen? Bernd Wender: > Im Watikan is de gresste Poanosaummlung von da gaunzn Woed Echd? Woans in Humer leicht zum Bobst mochn? Bernd Wender: > Echd? Woans in Humer leicht zum Bobst mochn? ^^^^^ Des soi nadialich ``woins'' hassn! Schnitzlvatuega: Des is goa nimma notwendig. Damid de Pfoffn wos am Index setzn und damid vabitn kennan, miassns des jo vuahea glesn haum - und scheinboa schmeissns in Rom seit zwatausnd Joa nix weg. Martin Schoepf: den indeks gibts offiziö scho seid de sechdsgajoa nimma. De pfoffn brauchn oiso nimma beichdn, waus sa se a wigsvualog kaufn. Daraus kau ma nua schlissn, das ma se de poanos im Watikan ausbuagn kau. Es muas jo schlieslich an grund gem, warum sas ned weghaun. Haums a wideos ? Schnitzlvatuega: Jetz sans as zwatausnd Joa gwehnd, dass des Zeig saummln, jetz kennans ned so leicht aufhean damid. >Haums a wideos ? Waas i ned, i hob mein Leihausweis min Mitgliedsausweis scho vua lengara Zeid zruckgem. Martin Schoepf: > Im Watikan is de gresste Poanosaummlung von da gaunzn Woed daun miass ma de nexde vadaumpfung one wenn und oba do untn mochn! so bleim uns de ualaubsvotos von de aundan daschboad ;-) Martin Schoepf: > Im Watikan is de gresste Poanosaummlung von da gaunzn Woed, und > so a weatvolles Kuituagut wuest Du sprengen? Gfoid ma, de bfoffn nemman Poanos ois Geisl !!!