Oral Fixeischn Aus den Archivn von da a.c.a, 04.03.97 - 07.03.97 Sgt. Blumenkraft: >P.S. : Wia wiar i eigntli Gommiteemitgliid ? Zeaschd muasd den Aufnaumedesd om W6 beschteh. Des is gaunz aafoch, mid Foamulaa und so (es soi jo doch typisch weanarisch sei, ned?). Daun brauxd an Ean-naum, so wia K.u.K Schnitzlfatuega, K.u.K. Owezaara, oda K.u.K. Biafadaumpfa, K.u.K. Buefeefanichta, K.u.K.K., K.u.K. Paltschinknfanichta,... is eich scho aufgfoin, das de meisdn Eanditl mid oraln Genuessn zaufhengan? intressant, findi... John Gruber: > is eich scho aufgfoin, das de meisdn Eanditl mid oraln Genuessn > zaufhengan? Jo genau. Mia is des a augfoin. In da oidn Woedschbroch dad ma sogn: de Leit haum an "oral fixeischn". Oda es is a Ausdrugg vau Liebeseasotz. Wos dad da oide Dokta Sigmund woi dazua sogn...? In da Oralfasn schdeggn blibn... auf olle felle bessa wia in da ondan Fasn... Gerhild Kirchweger: >is eich scho aufgfoin, das de meisdn Eanditl mid oraln Genuessn >zaufhengan? Is eigantlich gonz kloa: Unsa liabste Kuitua is uns hoit doch de midn Essn! Passt scho so! Bernd Wender: > Is eigantlich gonz kloa: Unsa liabste Kuitua is uns hoit doch de > midn Essn! Passt scho so! Geahued, wia mochtsn ia des mid da Vadauung, de Heidrun und Du? I maan, an Schraufnziaga kaumma jo grod no owewiagn, bsundas waunns a liwarala is, owa so an Mual z'essn? Is des ned a sea schware Kost? Do bleiwi liawa bei de Kalamarifritti, bevua i ma de Simmaring aussabrod im Meabereixoe, und de Keureramschbaghetti schdessn mi a imma so auffa, gaunz zu Schweign vo de gratiniatn Koim. Gerhild Kirchweger: Du siagst des scho wieda vu z'eng (und unwissenschoflich): Easchtens, nemman wia zan schmian (naaa, ned Watschn) Keanoe, des is vue bessa ois des Meabereichsgschloda, gegn a poa gepflegte Maiskoiwealn host sicha aa nix einzWENDAn und wensst scho nix aus Simaring moxt, donn vielleicht von Inzasdoafa. I waas, des is ois nix bsundas, owa schliesslich soll i jo Obgase untasuachn... Bernd Wender: Ah jetzt vaschdee i: De Konseavndosn vom Inzasduafa san de Zuelinda, de Maiskoibn, de drinsan in de Dosn, wean midn Keanoe gschmiat, das nua so hin- und heazischn mid 12000 UPS, und de Kuglloga san aus Baul gmocht, dass uadntlich Obgase zaumkumman, de Du daunn messn duast. A kulinarische Aungelegnheit, des muas i scho sogn. John Gruber: > I waas, des is ois nix bsundas, owa schliesslich soll i jo > Obgase untasuachn... Jojo Geahued, I sigs... du hasd di auf Obgase spezialisiat..... Methan.. spezifisch Methan. Wasd ibahaubd doss ma an Schass a auzindn kau?? Hobds des auf da Uni probiat? Wia i no studiat ho, hauma eftas amoi a poa Methanblosn igneited. Mutch fan wos hed bei oll... k.u.k. Schraufingarin: Sull owa net so ohne sein, a Bekonnta hot ma dazoehlt, dass se des in da Schui prowiart hom, und do hots am Schuifreind von eam de Hoa am Hintan vasengt. :-)))