Hoizz Eich fest: i bin wieda doo!! Aus den Archivn von da a.c.a, 30.10.97 - 03.11.97 Da Aboridschinie: Griass Eich olle midanaund!! De Drehnan drettn mia in de Augn voa Riarung waun i entlich wieda amoi oi de scheenan Nohman siach, de wos in da aca umanaundboosdn tuan: Schnitzl- und Balavatuega, Tschosies und aundare Kaeuntze... es tuat woi, des sohg i Eich! Oisa: worum woara so laung weg, da Aboridschinie ?? De Auntwoat sechz auf http://unet.univie.ac.at/~a8305901/privat/steffi.html (Jo, so gompliziat is hoid mei Hohmbeedsch-Noman... I kau nix dafia, aussadem scheniat ma se jo scho mid dera Matricklnumma.) Jednfois kennz Eich vuaschdoen, das mia in ketzta Zeid gnua ondas ztuan khobbt hom ois nett soeafm. Immahin hob i jetztad sowos wiara hoiwade Hoohmbeedsch zsommbrocht. De easchde Seitn is glei noch dem Bindeschdrich vo deara Numma, vueleicht kaun se da aane oda ondare no aun de Viecha earinnan, dea oda dee (do foit ma auf: gibzz de Schraufmziagarin no??) domois bei deara legendean Exkoaschn midwoa... Bfiatteich daweu, Eicha K & K Abnoridschinie mid sein K & K Goalabeali und seina K & K Aboridschineuse und seine liawn, neichn K & K Mikroaboridschineuse Bernd Wender: Ja Wahnsinn, da Aboridschinie is wieda do! Juhu! Und glei mid Aunhaung. Uasuppa! |> http://unet.univie.ac.at/~a8305901/privat/steffi.html Najo, a eindeitiga Foi 4 die Mitgliedalistn, dadi sogn! Bei da nextn Vadaumpfung bist dabei, do gibz ka Ausred wia bei den Kollegn midn Diplomandinnenseminaa, goe? Martin Schoepf: villeichd soit ma zu earn vom aboridschinie und sein aboridschinieaunhaung de uadseitkrebsaln ois maskottchen fia unsare gikka foworisian (wauns dengst, wia oid da konsl und da poista scho san...). Oba ois tapirbeaufdrogta miassat i do iba mein stendig wochsendn schottn hupfn. k.u.k. Schraufingarin: >... vueleicht kaun se da aane oda ondare no aun de Viecha earinnan, >dea oda dee (do foit ma auf: gibzz de Schraufmziagarin no??) domois >bei deara legendean Exkoaschn midwoa... Souwiesou! Sie hot nuran grewan Schdress deazeit, wals im Jenna auf da liwaraln Listn auf Plotz drei fiarn Gemeinderot voun Graz kandidiart. I hob eh scho vua einiga Zeit gfrogt, wos mit Dia lous is, ouwa kana hot ma wous xogt. Jednfois mecht i da zu da Miniaboridschineuse recht heazlich gratuliarn! Bzw. da Mamaaboridschineuse, wal dei Ontal on da Produkzion woa zwoa wesentlich, owa do sea klan. ;-) Robert Jehle (in Wiaklichkeit da Aboridschinie): Oisa waast, liawe k&k Schraufmziagarin: sooo guat kennan mia se aa wieda ned, dasst des beuateun kaunst ;-D Schmeeeone, es woa goa ka leichte Gebuat und de klaane hod se no dazua s'Schlisslbaan brochn und aan Hoismuskl eingrissn. Owa so schlimm is des aa wieda ned und sie is a sea a Lustige und iwahauptz. Oisdaun, bfiatteichdaewu, Eicha hochowavodaschdoizza k&k Aboridschinie mid sein iwrignszuapepisealiawn k&k Goalabeali und seina natialichzuaklaanpepinoliawaren k&k Aboridschineuse und seina iwahauptollaliabstnmikropeppineusn k&k Mikroaboridschineuse Schnitzlvatuega: Gratulazion zua Mikroaboridschineuse! >(Jo, so gompliziat is hoid mei Hohmbeedsch-Noman... I kau nix dafia, >aussadem scheniat ma se jo scho mid dera Matricklnumma.) Waun ma so schped immatrikulian gehd, vuelleicht. :-) Owa sog nix gegn de 83a Matriklnumman, des woa a guada Joagaung! >De easchde Seitn is glei noch dem Bindeschdrich >vo deara Numma, vueleicht kaun se da aane oda ondare no aun de Viecha >earinnan, dea oda dee (do foit ma auf: gibzz de Schraufmziagarin no??) >domois bei deara legendean Exkoaschn midwoa... Owa jo, de Viecha san no in besta Erinnerung. Christian K.u.K. Schnitzlvatuega Matr.Nr. 8300786 Gerhild Schinagl: >Matr.Nr. 8300786 Oiso, so frua immadriggulian gehn is woi a bissl uewaeifrig! Wonnima so denk, vuaoim, dass bei eich die Unitaetn jo gressa san ois bei uns! Ois wos unta 1000 is, woa sicha scho im Septemba duat, und hot a glei des gonze Klumpat mitghobt, ongfongt vo de beglaubigtn Fingaobdrueck, und hot si ned dreimoi onstoen miassn, und donn no a Untaschrift von da Mama foeschn miassn (wo owa eh nua fian Freifoatschein). Des oage (wenn i so zruggschau) is, dass i domois ziemliche Fedan ghobt hob, dass mi dawischn, wal i in da Vualesung sitz, obwoi i no goaned dazu ghea.... oiso, i wue mi jo ned gonz so autn, owa mei Matrigglnumma heat mit 31844 auf, und onfongen tuaz ned mit dreiadochzg.... Schnitzlvatuega: >Oiso, so frua immadriggulian gehn is woi a bissl uewaeifrig! Wonnima >so denk, vuaoim, dass bei eich die Unitaetn jo gressa san ois bei uns! Uebereifrig? Naa. Owa rechtzeitig duat, damid ma si de eagstn Staus daspoat. >Ois wos unta 1000 is, woa sicha scho im Septemba duat, und hot a glei >des gonze Klumpat mitghobt, ongfongt vo de beglaubigtn Fingaobdrueck, >und hot si ned dreimoi onstoen miassn, und donn no a Untaschrift von >da Mama foeschn miassn (wo owa eh nua fian Freifoatschein). Mid ghobt howi scho ois, wia gsogt, waun i ma scho den Buerokratnschmoan auntuan muass, daun nua amoi. Es woa trotzdem a uadntliche Umadumrennarei, von da Drucksoatnstoe zua Ewidenzstoe und wieda zruck, Stempemarkn kaufn und pickn ... Johannes Karanitsch: Schee wida moi wos von dia zu hean. >http://unet.univie.ac.at/~a8305901/privat/steffi.html Is fia Juli net a bissl koit? Nochdem beim Foto "wird wöchentlich erneuert" steht und des Foto vom 5.Juli '97, 8 Uhr 35 is, diafat ma eascht den 12.Juli '97, 8:34 haum ;-) >vueleicht kaun se da aane oda ondare no aun de Viecha earinnan, Jo besondas haet mi des mit da eiganen Zuechtung intressiat, owa da Link "Urzeitkrebse selbst züchten" geht ins Lare :-( Robert Jehle (in Wiaklichkeit da Aboridschinie):: > Is fia Juli net a bissl koit? > Nochdem beim Foto "wird wöchentlich erneuert" steht und des > Foto vom 5.Juli '97, 8 Uhr 35 is, diafat ma eascht > den 12.Juli '97, 8:34 haum ;-) Heasd, Tschosee, Oida, haumsdainshiangschissn? Do schdeet kloa und teitlich: Foto wiad wechendlich eaneiat. Es schdeet ned, dass daun a total uasupaaktuelles Foto einikummt. Meisdns zwoa scho, owa in dem Foi hobimadenckt, wauni Eich, hochvaeate k&k Golegn und Midkempfa fia de aane und aanziche Woedschbroch mid Zugunft, de Webseit mitteule, muasi des easchde Fotto vo meina klaan Peppi ins Netzl einihengan. Ollas kloa? Aan Geheimdipp no: dea Tog wo i des Fotto ausdausch, is meisdns da Midwoch. Oisa ned vagessn... http://unet.univie.ac.at/~a8305901/privat/steffi.html > Jo besondas haet mi des mit da eiganen Zuechtung intressiat, > owa da Link "Urzeitkrebse selbst züchten" geht ins Lare :-( Jojo, i waas eh, es is no oandlich vue zum Mochn auf deara Hohmbeedsch. Obm hob i's eh nua ois "hoiwade Hohmbeedsch" aukindickt, waunst schausd. I hoff, es wiad scho no wean. HEAST!! Genial: "Es wiad scho Wean !!!" Des kunntatma iwrigns nem de Tappiere ois Woischbruch fiar unsare oweeeoweoweowe-Hawara neman. Da Aboridschinie: HEAST, SO A SCHAAS (paadon, vazeihn de Daamen und Hean Owawoedschbrochla biddscheen den Ausbruch meina unflettign Emozionan...) und vua oim: entschuidige biddscheen, Robert... I hob des vo seim Kompjuta aus gebohsded, owa wia sei Nom und sei Imehhladressn do einikummt, waas i ned... I bin unta mein Nom eingloggt. (I woas natialich drotzdem, dea wos des xschrim hod...) Da Aboridschinie: Aans wundat me iwrigns: _Ka aanzicha_ vo Eich hod wos xockt, das de Beedsch in 3 (in woatn drei) OIDE und UNGUETICHE Woedschbrochn vafosst is, und iwahaupt ka Wuat iwa de neiche und aanzich woara drinnanschdeet! No nedamoi a Linx. Hechst weanapolitikelli-inkoreggt und kaana hozz kmeakt? Jednfois weari des ois natialich nochhoin, is ee kloa. Owa Eicha aussauandle maunglhofta dedektividingsdo-Schbiasinn hod mi fosd a weng entteischt. Gerhild Schinagl: I woa ma jo ned gonz sicha, ob ned des dritte iagend a wueda vualbeagarischa Dialekt woa... Bernhard Kauntz: >Griass Eich olle midanaund!! Jo, wea bist den du? Ahhh, jooo, i kaun mi scho erinnan! ;-))) Seawas Erich, gfreit mi, und heazlichn Glickwunsch! >De Auntwoat sechz auf >http://unet.univie.ac.at/~a8305901/privat/steffi.html De weri ma glei auschaun, weu so Mikrosochn howi scho seit 5 Joa nimma gsegn... Bernhard Kauntz: >De weri ma glei auschaun, weu so Mikrosochn howi scho seit 5 Joa nimma >gsegn... Liab is... Owi ned s hoiwe Dutznd voi mochn soi? Owa ans hoid - de Uazeitkrebsln san jo gaunz guad und schen, owa dass d' da daunn a Steanzeichnkrebsl aa no auschoffst is a bissl fue find i. :-))) Iwrigns gfoin ma so poliglotte Leit, de wos eanare Seitn auf drei Sprochn haum... ;-) k.u.k. Schraufingarin: >Liab is... >Owi ned s hoiwe Dutznd voi mochn soi? :-))))))) Martin Schoepf: > Iwrigns gfoin ma so poliglotte Leit Waun is ma poliglott ? Muas ma se do aboa moi am dog rasian? Und gfoin da unrasiade leid a? Und wos sogad unsa kaisa dazua? Schnorre K.u.K. Obaschnuaboaddreger Bernhard Kauntz: >Waun is ma poliglott ? Muas ma se do aboa moi am dog rasian? Und gfoin >da unrasiade leid a? Und wos sogad unsa kaisa dazua? Poliglott san de Strossn bei uns in Winta. Heit in das Nocht hots scho augfaunga, in da Fruah woa ollas weiss... Owa, Du sixt des foisch, und da Schnitzlvatuega a. Woedsproch is Woedsproch, an den gibts nix zum rittln. Owa wia soi ma missionian kenna, waumma mit de Einheimischn ned kommunizian kau? Und je mea Uawoidsprochn ois ma beheascht, desto mea kaumma missionian, ned? Da Skottie: I peasohnlich bin heit net rasiat, und viele komideemidglieda hobn an Boat oda an Schnuaboat. Und, natialich, unsa v'eata Kaisa Franz Josef hod so ausgeschaut, ois ob ea iawahaupt kaane Idee ghobt hot, wie ma sich rasian soi. Schnitzlvatuega: >Owa ans hoid - de Uazeitkrebsln san jo gaunz guad und schen, owa dass >d' da daunn a Steanzeichnkrebsl aa no auschoffst is a bissl fue find >i. :-))) Wiaso? Ea is hoit konsequent ... >Iwrigns gfoin ma so poliglotte Leit, de wos eanare Seitn auf drei >Sprochn haum... ;-) Dabei foed de wichtigste Schproch ...